Natyra Film

Jo vetëm në Kosovë, por edhe në Ballkan, femrave iu është mohuar qasja në profesionet siq janë artet audiovizuele, kamera dhe të tjera.

Një trajnim i tillë është duke u implementuar nga video produkcioni Natyra Film në Gjakovë, me pjesëmarrjen e 15 femrave, që janë duke u trajnuar për: kamerë, audio/zërim, ndriqim, fotografi, shkrim të skriptes, editim dhe prodhim të filmave dokumentarë.

Trajnimi do të zgjasë tre muaj dhe secila klasë do t’i ketë nga tre trajnues për secilin profesion. Me këtë trajnim ne shpresojmë që të krijojmë një shembull të ri dhe t’i inspirojmë të gjitha femrat nga Kosova dhe vendet përrreth, që të merren me profesionin në fjalë.

Qëllimi i projektit është:

Të mbështetet zhvillimi ekonomik i femrave, duke i përfshirë ato në profesione profitabile lidhur me televizionin dhe prodhimin e filmave.

Objektivat e projektit janë:

• Që femrave t’u sigurohet qasja në profesionet mediale, përmes trajnimeve në fushat specifike.

• Të kontribojë në funksionimin e mirë të mediave për minoritete, duke siguruar përgaditje profesionale të femrave për profesione mediale.

Medica Kosova

Qëllimi i projektit është rritja e të ardhurave të femrave që merren me prodhimin e qumështit dhe mjaltit, duke e shitur tek kompanitë private (supermarkëtë, fabrikat e qumështit në Gjakovë dhe vendet tjera në regjion).

Projekti do ta arrijë qëllimin duke i përmbushur objektivat në vijim:

• Zhvillimin e aftësive menagjuese në strategjine e marketingut dhe hulumtimin e tregut tek 57 gra që janë të përfshira në prodhimin e qumështit dhe mjaltës.

• Duke i sjellur gratë sa më afër tregut, ku ato mund t’i promovojnë dhe shesin produktet e tyre.

Në projekt marrin pjesë 42 gra, që merren me blegtori, të cilat vijnë nga fshatrat Dobrosh , Korenicë dhe Krelan dhe 15 gra nga fshatrat Shishmon i Bokës dhe Irzniq (komuna e Deqanit), që merren me prodhimin e mjaltës.

Këto gra kanë ndjekur 15 sesione të trajnimit, në periudhën prej tre muajsh (3 sesione nga 5 grupe), ku nga secili fshat kanë marrë pjesë 8-12 pjesëmarrëse. Paralelisht, me ngritjen e njohurive në strategjinë e marketingut dhe definimin e hapave, Medica ka shoqëruar gratë edhe gjatë kontaktit me kanalet e distribuimit në Gjakovë, Prizren dhe Pejë.

Kompanitë private të qumështit, si GOLAJ dhe VITA, të cilat kanë ofruar trajnime për ngritjen e kapaciteteve të grave, do të mbeten në fushën e bashkëpunimit, e poashtu edhe disa supermarkëtë të mëdha në Gjakovë e Prizren (Nertili, Ben-Af, etj).

Shkolla ekonomike “Kadri Kusari” Gjakovë

Momentalisht janë duke u mbajtur dy trajnime në këtë shkolle. Njëri trajnim është trajnimi për agjent të doganës, ndërsa tjetri është trajnimi për asistencë legale.

“Agjent i doganës” Qëllimi i këtij projekti është ngritja e aftësive tek femrat e papunësuara, ngritja e kapaciteteve të tyre, si dhe shtimi i gjasave për punësim. Temat në të cilat janë trajnuar 12 pjesëmarrëse, janë siq vijon: elementet e mallit, kontratat e rregullta, informatika aplikative, sigurimi, dogana dhe puna në doganë, si dhe gjuha e avancuar angleze. Pas trajnimit, në sistem qarkullues, praktikantet do të bëjnë punë praktike në dogana dhe në zyrat e agjentëve të doganave, në kufi. Trajnimi do të zgjasë tre muaj.

“Asistencë legale” Qëllimi i këtij projekti është trajnimi i kandidateve ne mënyrë që ato të punësohen në zyrat e avokaturës dhe në institucionet shtetërore (si në gjykatën e qytetit, komunë etj). Ky trajnim është i kombinuar me punë praktike; tre muaj trajnim (pjesa teorike) dhe një muaj punë praktike në Gjykatën Komunale të Gjakovës dhe në zyrat e Avokaturës. Në këtë trajnim do të marrin pjesë 12 vajza të reja që e kanë kryer shkollën e mesme të Juridikut.

Radio Gjakova

Radio Gjakova ka filluar me një projekt të ri, emisionin e drejtëpërdrejtë të quajtur “ Gratë në biznes”. Projekti përmban planifikimin, organizimin dhe implementimin e emisionit “Gratë në biznes”, i cili emetohet një herë në javë dhe zgjatë një gjysmë ore. Në këtë emision trajtohen qështje dhe të reja të ndryshme në biznes.

Ky emision ka të bëjë më shumë me intervista te drejtëpërdrejta me gra të suksesëshme në biznes dhe me qështje si:

• Situata aktuale e punësimit (në bashkepunim të ngushtë me zyrën regjionale të punësimit);

• Qasja në qeverinë lokale/ strategjia për krijimin e vendeve të reja të punës (me perfaqësuesit e Kuvendit Komunal të Gjakovës)

• Shoqëria civile dhe punësimi (në bashkëpunim të ngushtë me OJQ-të aktive në komunitetin e biznesit).

Emisioni do të vazhdojë deri më 15 Dhjetor 2007.

Top Radio

Top Radio ka filluar me një projekt te ri, emisionin e drejtëpërdrejtë “Gratë në politikë – një hap drejtë standardeve Europiane” Projekti përmban planifikimin, organizimin dhe implementimin e emisionit “Gratë në politikë”.

Ne këtë emision trajtohen qështje dhe të reja të ndryshme në lidhje me integrimin e femrave në politikë dhe rolin e tyre në politikë.

Ky emision ka të bëjë më shumë me intervista të drejtëpërdrejta me deputetët e parlamentit, anëtarë të Asamblesë Komunale dhe femrat perfaqësuese të forumeve dhe partive politike (pozitë dhe opozitë).

Gjithashtu, në këtë emision do të ftohen edhe perfaqësuese të fakultetit të shkencave politike. Ky emision do të zgjasë deri me 15 Dhjetor 2007.

Trajnimi mbi teknikat e fasilitimit për BDS provajderët Ky trajnim është mbajtur në Oher, Maqedoni, në muajin Maj (01.05.2007 – 04.05.2007). Duke iu pershtatur qëllimit të WBDP, që të ngris kapacitetet e ofruesve lokalë të shërbimeve, duke i përkrahur në zhvillimin e resurseve humane përbrenda organizatave të tyre dhe kapaciteteve institucionale, në mënyrë që t’u mundësohet identifikimi, zhvillimi dhe ofrimi i shërbimeve kualitative, në varëshmëri me kerkesat në treg, WBDP e ka organizuar këtë trajnim per 13 partnerët e projektit (BDS provajderët lokalë) dhe e ka angazhuar Znj. Edlira Muedini nga kompania CIVET, Shqiperi, për ta implementuar trajnimin në fjalë.

MAR/MDA Coaching Project/ projekti i konsulences

Ky projekt tipik i konsulencës është duke u implementuar nga MAR/MDA nga Prishtina. Qëllimi i ketij projekti është rritja e kapaciteteve të ofruesve lokalë të shërbimeve, duke i përkrahur ata në zhvillimin e resurseve humane përbrenda organizatave, si dhe institucioneve te tyre, në mënyrë që t’u mundësohet identifikimi, zhvillimi i shërbimeve të arsyeshme kualitative sipas kërkesave në treg. Ky projekt ofron sherbimet e konsulences për 7 ofrues lokalë të shërbimeve në Gjakovë dhe ka filluar në Mars 2007.

Objektivat kryesore janë:

• të rritet oferta e shërbimeve kualitative,

• të ndertohet baza e klienteve,

• të krijohet mundësia e inicimit të ideve të reja,

• të ofrohet qasja në tregjet e reja,

• të forcohen kapacitetet humane,

• të mundesohet afersia me publikun dhe funksionimi i marketingut,

• të inkurajohet aprovimi i mundësive të partneritetit.

Projekti përfshin:

• përgaditjen e profilit të organizatës,

• përgaditjen e broshurës me shërbimet e ofruara,

• përgaditjen e listës së referencave,

• përgaditjen e listës së çmimeve dhe polises së çmimeve

• përgaditjen e procedurës për t’i afruar klientët e ri.