Swisscontact është një organizatë, që udhëheqë në promovimin e sektorit privat në vendet në zhvillim dhe në Europën Juglindore. Në Kosovë, Swisscontact vepron që nga nëntori i vitit 2000.

Ne krijojmë mundësi

Fillimisht, kjo organizatë zviceriane ka nisur me projektet, JOMT (2000-2003), BAS (2000-2003) dhe KSDP (2002-2005), dhe nga janari i vitit 2004 ka vazhduar me Projektin e zhvillimit të Biznesit për Gratë (Women Business Development Project/ WBDP) dhe Projektin e Mbështetjes së Arsimit Profesional (Vocational Education Support/VES).

Çka bëjmë ne? Qëllimi i kësaj organizate është, që të promovojë zhvillimin e qëndrueshëm ekonomik dhe social në sektorin privat, në vendet e Europës Juglindore, nëpërmjet të shërbimeve të këshillimit, trajnimeve dhe arsimimit të vazhdueshëm. Bashkëpunimi me partnerët lokal është prioritet i Swisscontact-it, pasiqë parimi ynë udhëheqës është: Ndihmoi të tjerët ` që ta ndihmojnë vetëveten’.

Pse e bëjmë këtë?

Me miliona njerëz në vendet në zhvillim, jetojnë në kushte jo të mira. Mundësitë për t’u zhvilluar janë të penguara në masë të madhe nga kushtet ekonomike dhe politike. Për këtë qëllim, Swisscontact-i duke ofruar arsim dhe trajnim të mëtutjeshëm, dëshiron të sigurohet që njerëzit që jetojnë në këto kushte, të jenë vetë përgjegjës për ta përmirësuar cilësinë e jetës së tyre.

>> lëxo më shumë ...